VTB

ბანკის აღწერა

ვითიბი ბანკი (რუსულად - „ВнешТоргБанк“, პირდაპირი მნიშვნელობით „საგარეო ვაჭრობის ბანკი“) რუსეთში ერთ-ერთი მოწინავე უნივერსალური ბანკია. ვითიბი ბანკი და მისი შვილობილი კომპანიები წარმოადგენენ რუსეთში მოწინავე ფინანსურ ჯგუფს „ვითიბი ჯგუფი“, რომელიც მომხმარებლებს სთავაზობს საბანკო მომსახურებისა და პროდუქტების ფართო სპექტრს რუსეთში და მის გარეთ - ევროპაში, დსთ ქვეყნებში, ევროპაში, აზიაში, აფრიკასა და ამერიკის შეერთებულ შტატებში.

ბანკის წარმომადგენლობა საქართველოში

ბანკი საქათველოს ბაზარზე 2005 წელს შემოვიდა, როდესაც „გაერთიანებული ქართული ბანკის“ 50%+1 აქცია შეიძინა და გახდა მისი გადაწყვტილებების მიმღები აქციონერი. ამის შემდეგ ბანკს გადაერქვა ვითიბი საქართველო და ის დღემდე ამ სახელით აგრძელებს საქმიანობას საქართველოს საბანკო სფეროში.

ბანკის მომსახურება

ვითიბი ბანკს აქვს მრავალფეროვანი არჩევანი სამომხმარებლო სესხების თვალსაზრისით. ბანკმა საქართველოში პირველად გამოჩენის დღიდან მრავალფეროვანი დეპოზიტი (ვადიანი, ზრდადი შემნახველი ან ვადიანი, პროგრესული, საბავშვო და გაერთიანებული დეპოზიტი).

ამჟამად ბანკს აქვს სამომხმარებლო სესხის რამდენიმე სხვადასხვა ტიპის შემოთავაზება ინდივიდუალური კლიენტებისთვის, მათ საჭიროებზე მორგებული პირობებით:

• სესხი უზრუნველყოფის გარეშე - 400 ლარიდან 45,000 ლარამდე 48 თვემდე ვადით, საპროცენტო განაკვეთი იწყება 8,4%-იდან;
• სესხი ქონების უზრუნველყოფით - 1,000 ლარიდან 1,300,000 ლარამდე (ან ეკვივალენტი აშშ დოლარსა და ევროში) ვადით 15 წლამდე, საპროცენტო განაკვეთი 5% ევრო, 7% აშშ დოლარი, 10%-დან ლარში;
• სესხი ანაბრის უზრუნველყოფით - 100 ლარიდან დაწყებული და ანაბარზე ნებისმიერი არსებული თანხით დამთავრებული, საპროცენტო განაკვეთით 4%-დან;
• V CARD - საკრედიტო ბარათი ლიმიტით 30,000 ლარამდე (დაწყებული 400 ლარიდან).

ინდივიდუალური მომსახურების გარდა, ბანკი აქტიურად არის ჩართული ბიზნეს სექტორთან თანამშრომლობაში. მაგალითად, ვითიბი ბანკის დახმარებით 2019 წლის ნოემბერში გაიხსნა „აგროჰაბის“ პირველი სუპერმარკეტი ბათუმში.